Baitul Ma'arif || Darul Ifta

عبادات / نماز

India

سوال # : 1104

کیا فرماتے ہیں مفتیانِ کرام مسئلہ ذیل کے بارے میں ۔  
(الف)   ہمارے علاقہ کی بعض مساجد میں لوگ رمضان کی طاق راتوں میں قیام الیل (تہجد)کی نماز باجماعت ادا فرماتے ہیں ، اور دلیل دیتے ہیں کہ حرم شریف میں قیام الیل(تہجد) کی نماز باجماعت ہوتی ہے ، 
(ب)  رمضان کی طاق راتوں میں بعض لوگ تراویح کے بعدوتر کی نماز ادا نہیں کرتے ،بھر صبح تہجد کے بعد وتر پڑھتے ہیں کیا یہ درست ہے ،
مدلل جواب عنایت فرمائیں ، 
                                        المستفتی 
                                 اکرام الحق

Published On : Apr 24, 2022

جواب : 1104

بسم الله الرحمن الرحيم

الجواب وباللہ التوفیق

   (الف) حضرت نبی کریم صلی اللہ علیہ وسلم، صحابہٴ کرام رضی اللہ عنہم اور تابعین وتبع تابعین سے صلوۃ التراویح، صلوۃاالکسوف اور صلاۃالاستسقاء کے علاوہ کسی نفل نماز کا باجماعت اہتمام ثابت نہیں ہے،اسی وجہ سےحضراتِ حنفیہ کے نزدیک مذکورہ تین نمازوں کے علاوہ کسی بھی نفل نماز کو جماعت کے ساتھ پڑھنا جس میں مقتدی کی تعداد تین سے زائد ہو، راحج قول کے مطابق مکروہِ تحریمی ہے، لہذا قیام الیل کی نماز انفراداً ہی ادا کرنا چاہئے، اور اگر جماعت کے ساتھ پڑھ رہے ہیں تو اس میں اس بات کا اہتمام ضروری ہے کہ باقاعدہ جماعت کا اہتمام و اعلان نہ ہو اور اس طرح اگر ایک یا دو لوگ آکر جماعت میں شامل ہو جائیں تو یہ جائز ہے اور اگر امام کے علاوہ تین مقتدی ہو گئے تو اس صورت میں مکروہ ہونے یا نہ ہونے میں اختلاف ہے لیکن اگر مقتدی تین سے زائد شامل ہو گئے تو یہ تداعی کے ساتھ نوافل کی جماعت ہوگی جو کہ مکروہِ تحریمی ہے،  دیگر ائمہ کے نزدیک چوں کہ نفل باجماعت بھی مشروع ہے،اس لیے حرمین شریفین میں حنبلی مسلک کے مطابق قیام اللیل کی جماعت ہوتی ہے۔
(ب)   اگر کوئی تہجد کا پابند ہے توعام دنوں میں وتر کی نماز تہجد کے بعد پڑھنا بہتر ہے لیکن رمضان کے مہینہ میں وتر کی نماز تراویح کے بعد ہی پڑھنا افضل ہے ،اور حضرات صحابہ رضوان اللہ علیہم اجمین کا یہی معمول رہا ہے ۔
 بدائع الصنائع میں ہے:
                                             و منھا: ان الجماعۃ فی التطوع لیست بسنۃ الا فی قیام رمضان،(۲۱/۲)
                      ولا یصلی التطوع بجماعۃ الا فی رمضان،و عن شمس الائمۃ السرخسی: ان التطوع بالجماعۃانما یکرہ اذا کان علیٰ سبیل التداعی،اما لو کان واحد او اثنان بواحد لا یکرہ، واذا اقتدی ثلاثۃ بواحد اختلف فیہ،وان اقتدیٰ اربعۃ بواحدکرہ اتفاقا،(اعلاء السنن، ۹۳/۷)
               عن علی رضی اللہ عنہ قال دعی القرّاء فی رمضان فامر منھم رجلایصلی بالناس عشرین رکعۃوکان علیّ یوتر بھم (السنن الکبری للبیھقی،ج۲/ص۴۹۶)
               وصلاته أي الوتر مع الجماعة في رمضان أفضل من أدائه منفردًا آخر اللیل في اختیار قاضي خاں، قال قاضیخاں: هو الصحیح لأنه لما جازت الجماعۃ کانت أفضل، ولأن عمرؓ کان یؤمهم في الوتر وصح غیرہ أي غیر قاضیخاں خلافه … وفي الفتح والبرهان ما یفید أن قول قاضیخاں أرجَح لأنہ صلی ﷲ علیہ وسلم أوتر بہم فیه، ثم بین عذر الترک وهو خشیة أن یکتب علینا قیام رمضان، وکذا الخلفاء الراشدون صلوہ بالجماعة، ومن تأخر عن الجماعة فیه أحب صلاته آخر اللیل، والجماعة إذ ذاک متعذرۃ فلا یدل علی أن الأفضل فیه ترک الجماعۃ أول اللیل. (حاشیۃ الطحطاوي علی مراقي الفلاح، ص/۳۸۶)

واللہ اعلم بالصواب

دارالافتاء
بیت المعارف خیرآباد
( اودھ)

بسم الله الرحمن الرحيم

Home

Services

Stay Updated

Your Opinion / Message